İCTİMAİ OFERTA MÜQAVİLƏSİ
Bakı ş.
Aşağıda əks olunananlar rəsmi təklif hesab edilən (bundan sonra - “Təklif” və ya “Müqavilə”)- ictimai Ofertadır. Bundan sonra “İcraçı” adlandırılacaq, Azərbaycan Respublikasının Qanunvericiliyinə əsasən fəaliyyət göstərən Uberin Azərbaycandakı Rəsmi Partnyoru (bundan sonra-İcraçı) bəyan edir ki, İcraçının www.uber-partner.az / www.uber-qeydiyyat.com internet səhifəsində yerləşdirilən (təklif olunan) xidmətlərindən istifadə edilməsi üçün Təklifinə razılıq (Aksept) verən və müəyyən edilmiş şərtlərə cavab verən istənilən şəxs (bundan sonra Sifarişçi) aşağıda qeyd olunan şərtləri qəbul edərək Oferta təklifini qəbul etmiş və bu Müqaviləni imzalamış hesab ediləcək, Sifarişçi və İcraçı bundan sonra ayrı-ayrılıqda Tərəf, birlikdə isə Tərəflər adlandırılacaq. Tərəflər arasındakı münasibətləri tənzimləyən bu Müqavilə Azərbaycan Respublikasının Qanunvericiliyinə uyğun olaraq hüquqi qüvvəyə malikdir və tərəflərin iştirakı və ya əl ilə imzaladıqlarına bərabər tutulur. Əgər Sifarişçi Müqavilənin hər hansı bir maddəsinin şərtləri ilə razı deyilsə, Təklifin qəbul edilməsindən imtina etməlidir. İnformasiya Emalı Xidməti təqdim edən Şəxslərin xidmətlərindən istifadə etmək üçün Sifarişçi tərəfindən özünə və avtomobilinə dair məlumatların İcraçıya təqdim edilməsi və Servisdə şəxsi kabinetin yaradılması, Təklifin qəbul edilməsi (Aksept) anlamını verir və Müqavilənin qüvvəyə minmə vaxtı hesab olunur. Təklifin qəbul edilməsi (Aksept) heç bir istisna və/və ya məhdudiyyət olmadan Müqavilənin bütün şərtlərinin Sifarişçi tərəfindən tam və qeyd-şərtsiz qəbul edilməsi hesab olunur.
1. TERMİNLƏR VƏ ANLAYIŞLAR
1.1. Informasiya emalı xidməti – Azərbaycan Respublikasının qanunvericiliyinə müvafiq olaraq informasiya xidməti göstərən hüquqi şəxs və ya fərdi sahibkar. 1.2. Servis – İstifadəçilərin sorğularını yerləşdirməyə imkan verən və İnformasiya Emalı Xidmətiİstifadəçilərinin Sorğularının avtomatik emal edilməsini və ötürülməsini həyata keçirən proqram-aparat kompleksi. 1.3. İnformasiya xidmətləri - Servisə daxil olmağa imkan verən xidmətlər 1.4. İstifadəçi - Servisi istifadə edən fiziki şəxs (sərnişin, müştəri). 1.5. Marketinq xidmətləri –Servisin təşviqinə dair aşağıda qeyd olunan tədbirlər: - İstifadəçilərə verilən endirim (promo kod, kupon və sair güzəştlər); - Sifarişçiyə müvafiq şərtlər əsasında verilən əlavə mükafat (bonus və s); - servisin tanıdılması üzrə xidmətlər və s. 1.6. Sorğu - avtomobil ilə sərnişin və baqaj daşınması üzrə xidmətlərə potensial tələbat barədə İstifadəçi tərəfindən Servis çərçivəsində yerləşdirilmiş informasiya. 1.7. Hesabat dövrü - təqvim ayına bərabər dövr. 1.8. Şəxsi kabinet – bu Müqavilə üzrə göstərilən xidmətlər barədə Sifarişçiyə informasiyaya daxil olmağa imkan verən Servisin bir hissəsi.
2. MÜQAVİLƏNİN PREDMETİ
2.1. Sifarişçinin tapşırığına əsasən, İcraçı öz adından, lakin Sifarişçinin maraqlarına uyğun və onun hesabına: 2.1.1. Sifarişçiyə informasiya xidmətlərinin göstərilməsi məqsədilə İnformasiya xidmətləri göstərən şəxslərlə İnformasiya xidmətlərinin göstərilməsinə dair müqavilə bağlayır və göstərilən İnformasiya xidmətlərinin Sifarişçi tərəfindən alınmasını təmin edir. 2.1.2. Müqavilənin 2.1.1-ci bəndində nəzərdə tutulmuş qaydada İnformasiya xidmətlərinin göstərilməsi barədə müqavilə bağladığı İnformasiya xidməti göstərən şəxslərlə Marketinq xidmətlərinə dair müqavilə bağlayır. 2.1.3. Sifarişçinin xeyrinə Sorğuların icrası ilə əlaqədar Sifarişçi tərəfindən İstifadəçilərə göstərilən xidmətin dəyəri İstifadəçilər tərəfindən nağdsız qaydada ödənildiyi halda həmin ödənişlərin alınması üzrə üçüncü şəxslərlə müqavilə bağlayır və üçüncü şəxslərin İstifadəçilərdən nağdsız qaydada yığdığı pul vəsaitlərini Sifarişçiyə çatdırılmasını təmin edir. Bu halda Sifarişçiyə çatan pul vəsaiti Sifarişçinin İstifadəçilərə göstərdiyi xidmətin dəyəri hesab olunur. 2.2. İcraçı Müqavilənin 2.1.1 - 2.1.3 bəndlərinə müvafiq olaraq bağlanmış müqavilənin şərtlərini müstəqil olaraq müəyyən edir, bununla yanaşı o, formalaşmış bazar şərtlərindən irəli gələrək vicdanla, ağlabatan və ədalətli şəkildə hərəkət edir. 2.3. İcraçı sərnişin və baqaj daşınma xidmətlərinin göstərilməsi fəaliyyəti ilə məşğul olan digər şəxslərlə analoji Müqavilə bağlamaq hüququna malikdir.
3. İCRAÇININ ÖHDƏLİKLƏRİ
Kİcraçı öhdəliyinə götürür: 3.1. Öz adından, lakin Sifarişçiin maraqlarına uyğun və onun hesabına Müqavilənin 2.1.1 - 2.1.3 bəndlərində nəzərdə tutulmuş müqavilələri bağlamaq. 3.2. Sifarişçiyə İnformasiya xidmətlərinin alınmasında köməklik göstərmək. 3.3. Öz adından və Sifarişçiin hesabına İnformasiya xidmətlərinin göstərilməsinə görə İnformasiya xidmətləri göstərənlə hesablaşmalar aparmaq. 3.4. Müqavilənin 2.1.2 - 2.1.3 bəndlərində nəzərdə tutulmuş müqavilələr üzrə üçünçü şəxslərdən alınmış Sifarişçiyə çatacaq pul vəsaitlərinin üçüncü şəxslərdən aldığı andan etibarən (2-10) iş günündən gec olmayaraq köçürülməsini təmin etmək. 3.5. Müqavilənin 5-ci bölməsində müəyyən edilmiş qaydada və müddətə tapşırığın icrası barədə Sifarişçiə məlumat təqdim etmək. 3.6. Sifarişçi tərəfindən İnformasiya xidmətlərinin alınması məqsədilə veb-interfeysə daxil olmaq üçün İnformasiya xidmətləri göstərən şəxslərlə qarşılıqlı əlaqə yaratmaq.
4. SİFARİŞÇİNİN ÖHDƏLİKLƏRİ
Sifarişçi öhdəliyinə götürür. 4.1. Müqavilənin 2.1.1 - 2.1.3 bəndlərində nəzərdə tutulmuş müqavilələr üzrə İcraçıdan bütün aldıqlarını dərhal qəbul etmək. 4.2. Müqavilədə nəzərdə tutulmuş tapşırıqların icrasına görə İcraçıya bu Müqavilənin 6-cı bölməsində nəzərdə tutulmuş qaydada və şərtlərlə xidmət haqqı ödəmək. 4.3. Bu Müqavilənin 6-cı bölməsində nəzərdə tutulmuş qaydada və şərtlərlə İcraçıin xidmət haqqını vaxtında ödənilməsini təmin etmək. 4.4. Müqavilənin 2.1.1. bəndinə müvafiq olaraq bağlanmış İnformasiya xidmətlərinin göstərilməsi barədə müqavilələrdə nəzərdə tutulmuş Servis şərtlərinə uyğun olaraq avtomobil nəqliyyatı vasitəsilə sərnişinlərin və baqajın daşınması üzrə İstifadəçilərə xidmət göstərmək. 4.5. İstifadəçilərə xidmət üçün istifadə edilən avtomobil nəqliyyatı vasitəsinin texniki vəziyyətinin saz olmasını təmin etmək. 4.7. Sərnişin daşınması üzrə müvafiq qanunvericiliyin və Servisin tələblərini təmin etmək. 4.6. İcraçıin sorğusu ilə 3 (üç) gün ərzində Sifarişçi barədə bir daşıyıcı kimi İnformasiya xidmətləri göstərən şəxsin tələb etdiyi istənilən məlumatı təqdim etmək. 4.8. Bu Müqavilə üzrə nəzərdə tutulan fəaliyyəti ilə bağlı yaranan vergi və qanunvericiliklə nəzərdə tutulmuş digər öhdəlikləri (rüsumları, ödənişləri və s.) vaxtlı vaxtında həyata keçirmək. 4.9. Bu Müqavilənin şərtləri əsasında Servisə bir neçə avtomobil nəqliyyat vasitəsi qoşduğu halda: 4.9.1. Avtomobil nəqliyyat vasitələri üzərində qanunvericiliyə uyğun sərəncam vermək hüququnu təsdiq edən sənədləri İcraçıya təqdim etmək; 4.9.2. Avtomobil nəqliyyat vasitələrini idarə edən fiziki şəxslərə (bundan sonra- sürücü/sürücülərə) dair zəruri məlumatları İcraçıya təqdim etmək və bu məlumatların İcraçı tərəfindən işlənilməsinə dair həmin şəxslərdən (sürücülərdən) razılıq almaq. Sifarişçi onun sərancamında olan avtomobil nəqliyyat vasitələrini idarə edən sürücülərin Azərbaycan Respublikasının sərnişin daşınması üzrə qanunvericiliyinin və Servisin tələblərinə uyğunluğunun yoxlanılmasına və riayət edilməsinə cavabdehlik daşıyır. 4.10.Servisə qoşduğu hər bir reklamlı (brendinq) avtomobil nəqliyyat vasitəsi təqvim ayı ərzində ən azı (300) gediş həyata keçirməlidir. Əks halda brendinq (reklamlı) avtomobillərə verilən üstünlük (prioritet) ləğv oluna bilər və reklamın vurulmasına dair çəkilən xərclər (o cümlədən sənədləşmə üçün) Sifarişçi tərəfindən qarşılanır.
5. SƏNƏD VƏ SORĞULARIN ELEKTRON MÜBADİLƏSİ
5.1. İcraçınin səlahiyyətli şəxsi tərəfindən tərtib edilmiş və Sifarişçiyə elektron poçt və/və ya Şəxsi kabinet və/və ya digər elektron rabitə vasitəsilə göndərilmiş Sənəd, Tərəflər arasında etibarlı sənəd kimi qəbul edilir və əgər, bu sənədin Müqavilə üzrə Tərəfdən daxil olması və Müqavilə üzrə Tərəf üçün nəzərdə tutulması və Sifarişçinin İnformasiya xidmətlərinə qoşulma zamanı Tərəflər arasında göstərilən elektron rekvizitlərdən göndərilməsi müəyyən edilibsə, hüquqi qüvvəyə malik olan ilkin sənəd hesab edilir. 5.2. Elektron poçt və/və ya Şəxsi kabinet və/və ya digər elektron rabitə vasitəsilə göndərilən Sənədin alınma tarixi, Sənəd göndərilən günün növbəti iş günü hesab edilir. 5.3. Sifarişçi tərəfindən alınmış Sorğuların detallarını Şəxsi kabinetə daxil olmaqla əldə etmək olar. 5.4. Sorğu və ya Sənəd üzrə etirazların yarandığı təqdirdə, Sifarişçi Sorğunu və ya Sənədi aldığı gündən etibarən 3 (üç) iş günü ərzində İcraçıə məlumat verməlidir.
6. XİDMƏT HAQQI VƏ XƏRCLƏRİNİN KOMPENSASİYASI
6.1. Müqavilənin 2.1. bəndində nəzərdə tutulmuş xidmətlərin icrasına görə Sifarişçi İcraçıya 4 ( dörd ) faiz məbləğində xidmət haqqı ödəyir. Müqavilənin 6.1. bəndində nəzərdə tutulmuş Xidmət haqqına, İcraçı tərəfindən bu Müqavilə üzrə öhdəliklərinin icrası prosesində çəkdiyi bütün xərclər daxildir.
7. TƏRƏFLƏRİN MƏSULİYYƏTİ VƏ MÜBAHİSƏLƏRİN HƏLLİ QAYDASI
7.1. Tərəflər bu müqavilə üzrə nəzərdə tutulmuş fəaliyyətdən irəli gələn vergi və qanunvericiliklə müəyyən olunmuş digər öhdəliklərin (rüsumların, ödənişlərin və s.) icrasına görə bir birinin qarşısında məsüliyyət (cavabdehlik) daşımır. 7.2. Müqavilə üzrə öhdəliklərini icra etməyən və ya layiqincə icra etməyən Tərəf, Azərbaycan Respublikasının mövcud qanunvericiliyinə və Müqavilənin şərtlərinə uyğun olaraq məsuliyyət daşıyır. 7.3. Müqavilənin icrası və ya onunla əlaqədar meydana çıxan bütün mübahisələr və fikir ayrılıqları tərəflər arasında danışıqlar yolu ilə həll olunacaqdır. Əgər tərəflər razılığa gələ bilməsələr, mübahisələr qanunvericiliklə nəzərdə tutulmuş qaydada həll olunur.
8. FORS-MAJOR
8.1. Tərəflərdən heç biri yanğın, sel, zəlzələ, digər istənilən təbii fəlakət, müharibələr, istənilən xarakterli hərbi gedişatlar, mühasirələr, idxal və (və ya) ixrac qadağası, həmçinin mövcud qanunvericiliyin dəyişilməsi və iqtisadi və siyasi xarakterli digər məhdudiyyətlərin nəticəsində öhdəliklərini tam və ya qismən icra etməməsinə görə məsuliyyət daşımayacaqdır. 8.2. Müqavilə üzrə öhdəliklərinin icra edilməsi mümkün olmayan hallarla rastlaşan Tərəf, 3 (üç) iş günündən gec olmayaraq qarşı Tərəfə müqavilənin 12.5-ci bəndində müəyyən edilmiş qaydada yuxarıda adıçəkilən halların başlanması və bitməsi barədə məlumat verməlidir. 8.3. Əgər Tərəflərdən biri qarşı tərəfi şərtləndirilmiş müddət ərzində qarşısıalınmaz halların başlanması və ya bitməsi barədə məlumatlandırmasa, o bu cür hallara istinad etmək hüququndan məhrum olur.
9. MÜQAVİLƏNİN ŞƏRTLƏRİNİN DƏYİŞDİRİLMƏSİ VƏ XİTAM VERİLMƏSİ
9.1. Bu Müqavilə üzrə razılaşmış şərtlərə edilən əlavə və dəyişikliklər Tərəflərin imzası və ya aksepti ilə təsdiqləndikdən sonra Müqavilənin ayrılmaz hissəsi hesab olunaraq hüquqi qüvvəyə malikdirlər. 9.2. Müqaviləyə aşağıdakı hallarda xitam verilə bilər: 9.2.1. Tərəflərin razılığı ilə istənilən zaman; 9.2.2. Müqaviləyə xitam verilməsinə ən azı 30 (otuz) gün qalmış qarşı Tərəfə mütləq bildiriş verilməklə birtərəfliqaydada; 9.3. Müqavilə üzrə davam ediləcək öhdəliklərin icrası (o cümlədən qarşılıqlı hesablaşmalar üzrə öhdəliklər) Müqavilə qüvvədən düşdükdən sonra belə qüvvədə qalır.
10. MÜQAVİLƏNİN MÜDDƏTİ
10.1. Müqavilə imzalanan tarixdən qüvvəyə minir və 1 (bir) il qüvvədə qalacaqdır. 10.2. Əgər müqavilənin bitməsinə ən azı 30 (otuz) gün qalmış Tərəflərdən heç biri müqavilənin ləğv edilməsi barədə qarşı Tərəfə məlumat verməzsə, Müqavilə avtomatik olaraq növbəti il müddətinə uzadılır. Bu cür uzadılmaların sayı məhdud deyil.
11. MƏLUMATLARIN İŞLƏNİLMƏSİ
11.1. İcraçının internet səhifəsi üzərindən Servisə qoşulması üçün Sifarişçi aşağıdakı məlumatları təqdim etməlidir: - Sürücülük vəsiqəsinin şəkillərini (ön və arxa tərəfi) - Nəqliyyat vasitəsinin qeydiyyat şəhadətnaməsinin şəkilləri (ön və arxa tərəf) - Nəqliyyat vasitəsinin idarə edilməsi hüququnu təsdiq edən etibarnamənin şəkillərini (zərurət olarsa); - Fiziki şəxsin sahibkar kimi dövlət qeydiyyatına alınmasına dair Şəhadətnamənin (VOEN) şəkilini (ön və arxa tərəf) - İstifadəçiyə xidmət göstərdiyi Mobil telefon nömrəsi barədə məlumat. 11.2 Sifarişçi Servisin informasiya xidmətlərindən istifadə edilməsi üçün aşağıda qeyd olunan məlumatlarınInformasiya emalı xidməti göstərən şəxslərə (informasiya sistemlərinin hansı geoqrafi məkanda yerləşməsindən asılı olmayaraq) ötürülməsinə etiraz etmir: 11.2.1. Sifarişçinin: - Adı, Soyadı, Ata adı; - İstifadəçiyə xidmət göstərdiyi Mobil telefon nömrəsi barədə məlumat; - Sürücülük vəsiqəsinin seriya və nömrəsi barədə məlumat; - Təvəllüdü barədə məlumat; - Sürücülük vəsiqəsinin alınma tarixi və etibarlılıq müddəti barədə məlumat; - Sərəncamında olan avtomobil nəqliyyat vəsitəsinin rəngi, modeli, buraxılış ili və dövlət qeydiyyat nişanı barəsində məlumat; - Zərurət yaranarsa Sürücülük vəsiqəsində və nəqliyyat vasitəsinin qeydiyyat şəhadətnaməsində qeyd olunan digər məlumatları. 11.3 İcraçıya öz fərdi məlumatlarını təqdim etməklə Sifarişçi İcraçı tərəfindən bu fərdi məlumtları işləməyə razılıq verir. 11.4 Fərdi məlumatların işlənilməsi dedikdə fərdi məlumatlar üzərində aparılan əməliyyatlar (fərdi məlumatların yazılması, sistemləşdirilməsi, təzələnməsi, dəyişdirilməsi, çıxarılması, adsızlaşdırılması, saxlanması, ötürülməsi, məhv edilməsi) nəzərdə tutulur.
12. DİGƏR ŞƏRTLƏR
12.1. Müqavilə və onun icrası Azərbaycan Respublikasının qanunvericiliyi ilə tənzimlənir. 12.2. İcraçı bu Müqaviləinin 6.1-ci bəndində göstərilən xidmət haqqının məbləğinin (faiz dərəcəsinin)dəyişdirilməsi hüququnu özündə saxlayır. Xidmət haqqının məbləğinin (faiz dərəcəsinin) dəyişdirilməsi Sifarişçiyə bildiriş verməklə və ya bu barədə məlumatı Servisdə şəxsi kabinetdə yerləşdirməklə (tutulan faiz məbləği əks olunur) həyata keçirilir. 12.3 Sifarişçinin Servisin istifadəsi ilə bağlı İnformasiya xidmətləri göstərən şəxslər ilə yaranan münasibətləri (məxfilik siyasəti, maliyyə, bonus, xidmət haqqı və digər) Servisdə şəxsi kabinetdə yerləşdirilən onlayn (elektron) sənədlərə və onlayn əks olunan digər məlumatlara əsasən tənzimlənir. İcraçı Servisin istifadəsi ilə bağlı qaydaların dəyişdirilməsinə görə cavabdehlik daşımır. 12.4. Müqavilə üzrə bütün bildirişlər qarşı Tərəfə elektron poçt və/və ya Şəxsi kabinet və/və ya digər elektron rabitə vasitəsilə göndərilir. Elektron poçt və/və ya Şəxsi kabinet və/və ya digər elektron rabitə vasitəsilə göndərilən bütün sənədlərin surətləri, Tərəflər arasında etibarlı sənəd kimi qəbul edilir və əgər, bu sənədin Müqavilə üzrə Tərəfdən daxil olması və Müqavilə üzrə Tərəf üçün nəzərdə tutulması və Sifarişçinin İnformasiya xidmətlərinə qoşulma zamanı Tərəflər arasında göstərilən elektron rekvizitlərdən göndərilməsi müəyyən edilibsə, hüquqi qüvvəyə malik olan ilkin sənəd hesab edilir. 12.5. Məlumatlandırmanın əlavə vasitəsi, Sifarişçiin şəxsi kabinetində sənədlərin yerləşdirilməsi hesab edilir. Sifarişçi Müqavilə çərçivəsində fəaliyyətinin həyata keçirilməsi üçün daxil olduğu şəxsi kabinet vasitəsilə Tərəflərin bir-birlərinə göndərdiyi sorğular, bildirişlər, hesabatlar və sənədlərin surətləri, həmçinin sadə yazılı formada tərtib olunan sənədlər tam hüquqi sənəd kimi qəbul edilir. 12.6. Baxmayaraq ki, Tərəflər arasında Müqavilə mövcuddur və Servisin xidmətlərindən istifadə etməyiniz nəticəsində Sifarişçi, İcraçı və Üçüncü Tərəf arasında münasibətlər heç bir birgə müəssisə, ortaqlıq, aqentlik və ya məşğulluq münasibətləri yaratmır. 12.7.Sifarişçinin nağdsız gedişləri və qazanılmış bonusları üzrə üçüncü şəxs tərəfindən İcraçıya köçürülən və həmin vəsaitin Sifarişçiyə ötürülməsi üçün Tərəflər bir qayda olaraq öz aralarında kağız üzərində yazılı şəkildə və ya gücləndirilmiş elektron imza ilə təsdiqlənmiş müqavilə bağlayırlar.